Analisti Fatos Lubonja ka komentuar rezultatet e Notosondaggi në News24, mbi pëlqyeshmërinë mes kandidatëve, Ogerta Manastirliu, Florjan Binaj dhe Arlind Qori.
Lubonja u ndal vecanërisht tek Arlind Qori, kandidat për bashkinë e Tiranës, i cili sipas sondazhit ka një mungesë besimi prej 63%.
“Më shqetëson kur del një i tretë kundër tyre shtohet numri i atyre që nuk kanë besim dhe te ai. 60 e ca e kishte Arlind Qori. Më duket anomali. Më duket se ky popull nuk ka besim tek këta por nuk kërkon besim diku tjetër”, tha Lubonja.
Fatos Lubonja: Ç’janë këta njerëz. Ku e njeh ti Arlind Qorin që thua nuk kam besim. Nëse nuk kam besim do të thotë unë të kam provuar, e kam provuar PD dhe PS dhe nuk kam besim. Ndërsa për këtë është pak problem. Unë skam qenë asnjëherë me Berishën. Kam qenë i majtë. Kundër Ramës se nuk është i majtë. Jam për demokracinë.
Këtu nuk ka të majtë dhe të djathtë. Bashkohem me çdo opozitë që kërkon rotacion. Edhe qenit të rrugës kam thënë ja jap votën dhe jo Edi Ramës. Jam me çdo opozitë që kërkon rotacion, për ideologji time, mendoj se meqë ka dy parti të djathta, Shqipëria ka nevojë për një parti që përfaqëson shtresat e dobëta.
