Humbja e Santos ndaj Flamengos ka sjellë tension të madh në ekipin brazilian, ku Neymar është kritikuar për sjelljen e tij pas zëvendësimit. Situata në dhomën e zhveshjes është tensionuar, me lojtarin që ka protestuar hapur dhe që është shprehur i pakënaqur me performancën e shokëve të tij. Kjo ndodhi në një moment kritik për Santos, i cili është duke luftuar për të shmangur rënien nga kategoria.
Neymar, që ka pasur një sezon të vështirë për shkak të lëndimeve dhe ka luajtur vetëm 15 ndeshje nga 32 në ligën braziliane, ka akuzuar shokët e tij për gabime në ndeshje dhe është shprehur pesimist ndaj strategjisë së trajnerit. Mënyra e tij e reagimit gjatë zëvendësimit, ku ai duket i mërzitur dhe i pakënaqur, është konsideruar “krejtësisht e pazakontë dhe e tepërt” nga shokët e skuadrës.
Sipas raportimeve të medias braziliane, lojtari po krijon mjedis negativ, duke shkaktuar lodhje dhe frustrim te të tjerët. Të gjithë, përfshirë drejtuesit e klubit, ndihen të poshtëruar nga qëndrimi i tij dhe besojnë se ai nuk po kontribuon siç pritet për ekipin. Megjithatë, Santos nuk planifikon të ndërmarrë veprime disiplinore ndaj tij dhe Neymar ka kërkuar falje, duke shpjeguar se reagimi i tij ishte rezultat i një shqetësimi për performancën e gjyqtarit.
Atmosfera në ekip është e rëndë, dhe ndryshe nga reputacioni që ka, performanca e Neymar në fushë nuk është në nivelin e duhur, duke e vështirësuar më tej situatën për Santos. Ekipi ka nevojë për një përmirësim të shpejtë në renditjen e tyre, dhe pritet që të përballen me sfida të tjera në vazhdim.
