Liverpool po vazhdon merkaton e saj të jashtëzakonshme këtë verë, duke shfaqur interes për mbrojtësin qendror të Crystal Palace, Marc Guéhi. Sipas raportimeve të “The Times”, klubi është i gatshëm të bëjë një ofertë që mund të arrijë deri në 35 milionë paund (rreth 40.5 milionë euro) për 25-vjeçarin. Nëse marrëveshja e arrihet, Guéhi do të bëhet mbrojtësi qendror më i shtrenjtë që Liverpooli ka blerë pas transferimit të Virgil Van Dijk nga Southampton në janar 2018 për 84.6 milionë euro.
Guéhi ka qenë në qendër të interesit të klubeve të tjera, dhe verën e kaluar Newcastle dhe Tottenham bënë përpjekje për ta transferuar atë, por oferta e tyre u refuzua. Me kontratën e tij që skadon verën e ardhshme, Crystal Palace është nën presion për ta shitur këtë verë, gjë që i jep Liverpoolit avantazh në garën për shërbimet e tij.
Pas transferimit të tij nga Chelsea në Palace në verën e 2021 për 23.3 milionë euro, Guéhi ka shfaqur një performancë të lartë, duke u renditur si një nga mbrojtësit më të vlerësuar në Premier League. Vlera e tij në treg ka arritur deri në 45 milionë euro, duke e bërë atë lojtarin e dytë më të vlefshëm në klubin londinez dhe i 18-ti më i vlefshëm mes anglezëve. Vetëm shtatë mbrojtës qendrorë në Premier League kanë pasur rritje më të madhe gjatë kësaj periudhe.
Nëse transaksioni konkretizohet, shpenzimet totale të Liverpoolit në këtë merkato verore do të arrijnë në 334.2 milionë euro, shifra më e lartë ndonjëherë për klubin në një dritare transferimesh dhe e katërta më e madhe në historinë e futbollit. Vetëm disa klube si Paris Saint-Germain, Al-Hilal dhe Chelsea kanë shpenzuar më shumë gjatë kësaj verë. Liverpooli duket se po bën një investim të madh për të forcuar skuadrën e saj për sezonin e ardhshëm.
