Kapiteni i Kombëtares së Shqipërisë, Berat Gjimshiti tha se Kroacia është ekip favorit, por me pak përpjekje mund t’ia dalim. Ai theksoi se do bëjnë gjithçka për ta futur në vështirësi Kroacinë.
“Gjëja më e rëndësishme është fakti se Kroacia është në rolin e favoritit. Në këto ndeshje që janë kaq të rëndësishme, duhet të kesh përqendrimin. Të bëjmë gjithçka për të futur në vështirësi Kroacinë. Duhet të japësh kurajo në këtë ndeshje. Duhet të përmirësohemi dhe të mësojmë diçka”, tha Gjimshiti.
