Kryeministri Edi Rama ka theksuar se më 11 maj, Shqipëria duhet të jetë përtej ndarjeve politike, duke u fokusuar në integrimin e vendit në Bashkimin Evropian.
Gjatë një bashkëbisedimi online me qytetarët, ai theksoi se çdo shqiptar duhet të votojë për të mbështetur procesin e negociatave me BE, duke e cilësuar këtë një mundësi historike.
“Më 11 maj, Shqipëria është më shumë se kurrë përtej të majtës dhe të djathtës, më 11 maj, çdo shqiptar e shqiptare, duhet të shkojë të votojë, por të votojë për të mos humbur asnjë sekondë në procesin e negociateve me BE. Është hera e parë ku fjalitë standarde, ju duam në BE, perspektiva juaj ështëBE, janë të përputhura me vullnetin e BE. Është hapur një dritare mundësie. Për herë të parë, vota e shqiptarëve është edhe gjeopolitike, në funksion të Shqipërisë.
Ne na duhet unitet, na duhet bashkim përtej partive, na duhet lidership, na duhet qëndrueshmëri. Kjo dritare e hapur mundësie, mund të mbyllet dhe mund të kthehemi prapë te avazi. Ky është momenti. Kemi një kalendar që është më ambiciozi në historinë e integrimit, duhet të bëjmë një punë 24 orë në 24 orë. Të gjitha afatet janë të ngushta dhe të përcaktuara. Nuk është një derë e hapur, është një dritare e hapur. Mos ta neglizhojë askush”, theksoi ai.
https://www.facebook.com/plugins/video.php?height=314&href=https%3A%2F%2Fwww.facebook.com%2Fediramaal%2Fvideos%2F1298345808124097%2F&show_text=false&width=560&t=0
