Vendi ynë është aktualisht në ditën e gjashtë të përmbytjeve, me situata të vështira në disa zona. Qarku i Durrësit ka qenë ndër më të prekurit, duke evakuuar 848 banorë dhe duke verifikuar dëmtimet në banesa. Sipas autoriteteve, 2800 hektarë tokë në Sukth mbeten nën ujë.
Gjatë natës, qarku i Fierit ka patur reshje me intensitet të ulët, ndërsa Lezha ka përjetuar reshje intensive, veçanërisht në Kurbim, ku fshati Adriatik vazhdon të vuajë nga përmbytjet. Përpjekjet për riparimin e urës për të ndihmuar pranimin e ujit kanë filluar, por problemet mbeten serioze.
Në Gjirokastër, reshjet kanë qenë të forta, por aksin Gjirokastër-Tepelenë vazhdojnë të menaxhohen nga policia. Lumi Vjosa në Vlorë ka filluar të tërhiqet, me nivelin e tij tani rreth 5.5 metra mbi nivelin e detit, duke mos përbërë më rrezik për zonën. Megjithatë, pasojat e përmbytjeve janë evidente, teksa rreth 13 dhe 15 banesa në Novoselë e Bishan u prekën nga uji.
Në Qarkun e Korçës, problematikat lidhen kryesisht me energjinë elektrike dhe infrastrukturën rrugore, si rezultat i kushteve atmosferike të shkaktuar nga reshjet. Situata në qarkun e Kukësit është e qëndrueshme, me reshje të dobëta dhe mesatare, ndërsa në zonën e Valbonës ka pasur reshje bore.
Disa fshatra si Çiflik dhe Bashaj raportojnë probleme të rënda, me banorët që protestojnë për proplematikat e shkaktuara nga bllokimi i kanaleve kulluese. Rreziku nga rrëshqitjet e tokës në Bashaj e Matogjin ka ngritur shqetësime për sigurinë e banorëve dhe infrastrukturës.
Përmbytjet gjithashtu kanë detyruar autoritetet të lidhen me fermerë të prekur si në fshatin Dimal, ku dëmet janë të mëdha për shkak të daljes nga shtrati të lumit Osum. Ndërkohë, situata vazhdon të mbetet e tensionuar në shumë zona të vendit, duke kërkuar mbështetje të shpejtë dhe të koordinojë përpjekjet e shërbimeve emergjente.
