24 orë pas nisjes së operacionit për 10 urdhër arrestet në bashkinë e Durrësit me në krye ish-kryetarin Vangjush Dako, prokuroria e Posaçme ka dhënë njoftimin e parë për mediat. SPAK thekson se janë ekzekutuar vetëm gjashtë urdhër arreste dhe personat e tjerë janë në kërkim.
Të arrestuar;
Vangjush Dako
Fiqiri Farruku-biznesmeni që ndërtoi pallatin
Adrian Bulku
Adnand Toçila
Meri Semini (Priftuli)
Ferzilet Hajderi
Në kërkim;
Adhurim Qehahaj
Ermal Lama
Fatmir Ejupi
Diana Dedja
Dy dosjet në hetim;
Objekt hetimi,në kuadër të këtij procedimi, kanë qenë dy fakte penale dhe më konkretisht procedura e dhënies së lejes së ndërtimit të një pallati shumëkatesh dhe plotësimi i dokumentacionit të tij deri në regjistrimin e pasurisë si dhe procedura e prokurimit Shërbim Konsulence për sigurimin e projektit “Projektim zbatim për Promenadën Bregdetare dhe Plazhin publik nga Bërryli deri në Currila” me fond limit 21.000.000 lekë me T.V.SH.
