Gjatë një konferencë për shtyp, kryeministri Edi Rama u përgjigj në lidhje me aksionin për lirimin e hapësirave publike dhe heqjen e karrigeve që mbeten të pranishme në këto hapësira. Gazetari i Top Channel, Muhamed Veliu, e pyeti për përparimin në këtë fushë, duke theksuar se, pavarësisht aksioneve të deritanishme, karriget vazhdojnë të jenë të dukshme.
Rama u shpreh se çështja e karrigeve përbën një “luftë të përditshme” dhe se disiplinimi i tyre do të rregullohet përmes një rregulloreje që është në përgatitje. Ai bëri të ditur se një grup i gjerë pune është angazhuar për këtë çështje dhe se do t’i kushtohet vëmendje për të vendosur qartë kriteret që regjullojnë përdorimin e hapësirave publike. Kryeministri theksoi rëndësinë që të jepet mundësia individëve që ushtrojnë aktivitetet e tyre jashtë, por në një mënyrë që respekton hapësirën publike.
Rama sqaroi se është e rëndësishme të definohet qartë se sa përqindje e trotuarit i përket individit dhe sa pjesë i takon publikut. Ai theksoi nevojën për një zgjidhje që do t’i përshtatej standardeve të qyteteve evropiane, duke siguruar që shfrytëzimi i hapësirave të jetë në harmoni me interesat e komunitetit. E gjithë kjo, sipas tij, do të kontribuonte në krijimin e një ambienti më të strukturuar dhe organizuar për të gjithë qytetarët.
Rama përfundoi duke theksuar se çmontimet do të vazhdojnë, duke shpresuar që ato të jenë të suksesshme dhe të ndihmojnë në krijimin e një kulture më të mirë të përdorimit të hapësirave publike në vend.
