Nga data 1 shtator, Australia e Jugut do të ndalojë përdorimin e shisheve të vogla të salcës së sojës, të njohura si shoyu-tai, që shpesh shoqërojnë ushqimet me sushi të paketuara. Ky veprim vjen si pjesë e një plani më të gjerë për reduktimin e përdorimit të plastikës njëpërdorimshe, duke theksuar shqetësimet për mbrojtjen e ambientit.
Shishet shoyu-tai, të dalura në jetë në Japoni në vitet 1950, kanë kaluar nga materiali prej qelqi ose qeramike në plastikë, pasiqë ky material është më i lirë dhe më i lehtë për t’u prodhuar. Megjithatë, ekspertët e mjedisit përmendin se përmasat e tyre të vogla i bëjnë ato të papërshtatshme për përpunim në sistemet e riciklimit, duke përfunduar shpesh në landfille, duke e rritur ndotjen plastike.
Ky ndalim që hyn në fuqi në Shtator ndjek një legjislacion të ri mjedisor, që tashmë ka ndaluar përdorimin e qeseve plastike në supermarkete, si dhe objekte të tjera plastike njëpërdorimshe si pipat, lugët dhe shkopinjtë e pambukut. Po ashtu, janë vendosur ndalim mbi etiketat të padekompozueshme për frutat dhe perimet, si dhe tasat dhe gotat plastike për ushqime të gatshme.
Nisma të tilla për të ulur përdorimin e plastikës janë marrë edhe në Angli, Skoci dhe Uells. Në Angli, nga tetori i vitit 2023, ndalimi i enëve plastike njëpërdorimshe dhe tarifimi i qeseve ka rezultuar në një rënie të shfrytëzimit të tyre prej 97%, sipas të dhënave të qeverisë.
Ky hap nga Australia e Jugut është një përpjekje e rëndësishme për të adresuar krizën ndotëse që shkaktohet nga plastika dhe tregon një angazhim të fortë për planet e të qëndrojë më miqësor ndaj ambientit. Ndërsa vendet e tjera, si Anglia, janë duke parë rezultate inkurajuese në reduktimin e mbetjeve plastike, Australia e Jugut po bashkohet në këtë lëvizje globale për t’i dhënë fund varësisë nga plastika njëpërdorimshe.
