TIRANË- Kreu i Bashkisë së Devollit Eduard Duro ka reaguar pasi Prokuroria e Posaçme e ka marrë të pandehur për shpërdorim detyre. Mësohet se Duroka theksuar se ka firomosur çdo gjë siç e kërkon ligji. Sipas tij nuk bëhet fjalë për shpërdorim detyre, por për detyrë të plotësuar.
“Sektori i tatim taksave ka dhënë autorizim për shitje karburanti brenda dhe konform ligjit. Shtetasit J.K dhe M.K kanë bërë denoncim se ky dokument nuk duhej dhënë subjektit “Genci Petrol”. Kam firmosur çdo gjë siç e kërkon ligji dhe nuk bëhet fjala për shpërdorim detyre por për detyrë të plotësuar në kushtet e një kryetari bashkie”, ka deklaruar Eduard Duro.
