Në orët e para të mesnatës, një sasi eksplozivi shpërtheu në një bar-lokal pranë stadiumit të Lezhës, rreth orës 02:00.
Fatmirësisht, shpërthimi nuk ka shkaktuar dëme në njerëz, por vetëm dëme materiale. Menjëherë pas shpërthimit, forcat e policisë mbërritën në vendngjarje dhe nisën hetimet për zbardhjen e rrethanave dhe identifikimin e autorëve, të cilët ende mbeten të panjohur.
Ngjarja ka shkaktuar shqetësim te banorët dhe bizneset përreth, ndërkohë që policia po punon për të siguruar prova që mund të çojnë në zbardhjen e ngjarjes.
