RTSH vazhdon të qëndrojë pezull në pritje të vendimit që Këshilli Drejtues në mbledhjen e datës 11 Shtator 2023 ka marrë për Alfred Pezën, për vezirët e tij, si dhe veprat që ai ka bërë në këta tre muaj të “sundimit” të tij.
Vendimi i Këshillit Drejtues që pritet të bëhet publik urdhëron ngritjen e komisionit për verifikimet e ligjshmërisë së heqjes nga puna të personelit të RTSH dhe emërimet e reja të kryera nga Alfred Peza, i cili është ndihmuar nga ushtarët e tij servilë të bindur ndaj tij deri në përulësi e verbëri.
Instrumentat e shpikur nga Alfred Peza dhe Enkelejd Lamaj të ashtuquajtur komisione Ad Hoc për heqje nga puna, të përbërë kryesisht nga Lamaj-Xhabafti-Agalliu, Këshilli Drejtues i ka gjetur tërësisht në shkelje të rregulloreve dhe kompetencave që statuti i RTSH i lejon Drejtorit të Përgjithshëm.
Konkretisht përbërja e të gjithë komisioneve Ad Hoc për pëzgjedhjen e punonjësve bëhet me vendim të Këshillit Drejtues të RTSH. Ndërkohë, Alfred Peza, ia ka rrëmbyer brutalisht këtë të drejtë Këshillit Drejtues, duke përcaktuar dhe miratuar personalisht komisionet, për pasojë të gjitha vendimet e marra në zbatim, janë të pavlefshme, duke e vendosur RTSH përballë një dëmi ekonomik ndaj buxhetit te shtetit ose qoftë dhe të vete RTSH shumë të madh.
Këshilli Drejtues me vendimin që pritet me padurim të dalë, fillon të rikthejë në vend drejtësinë e munguar në hanin pa asnjë portë të krijuar nga Alfred Peza, me ndihmëm e pakursyer të Enkelejd Lamajt profesionalisht totalisht të paaftë dhe pa asnjë ditë eksperience në televizion (i cili për referencë ligjore ka vetëm fjalën e kapterit, dhe përtej saj as shikon e as dëgjon gjë tjetër), të Anila Agalliut profesionalisht totalisht të paaftë dhe pa asnjë lloj eksperince në televizion, të Erion Xhabaftit pa arsim përkatës, por me profesion servil, të cilët mblidhen dhe heqin nga puna titullarë të institucionit, si dhe drejtues të strukturave, të cilët përveç kontributit kishin edhe vlera profesionale dhe integritet personal në drejtimin e strukturave përkatëse.
Sa për ilustrim komisioni i përbërë nga personazhet e telenovelës së Alfred Pezës ka hequr nga puna:
2 Kryeredaktorët e Lajmeve dhe 2 gazetarë lajmesh profesioniste me nje eksperience 20 vjeçare ne gazetari.
Ndërkohë asnjë nga antarët e komisionit të Pezës nuk ka bërë një ditë të vetme gazetari.
Drejtorin e Marketingut kur asnjëri nga ata nuk ka punuar një ditë të vetme në marketing
Kryeredaktorin e Sportit, kur asnjëri nga ata nuk është as gazetar as sportist.
Drejtorin e Arkivit, kur asnjëri nga ata nuk e di akoma se cfarë është Arkivi
Inxhinierët e Televizionit, kur asnjëri nga ata nuk është inxhinier, dhe lista me bëmat e këtij komisioni është e pafund, për të mos hyrë në përmbajtjen e motivacioneve të heqjes nga puna, shkresa të cilat mbanin kokën e Drejtorisë Juridike dhe firmoseshin nga Anila Agalliu, ndoshta ngaqë Lamaj autografet i kishte mbaruar pë fansat që i lexojnë librat me poezi dhe romanet horror.
Dëmet që i kanë shkaktuar RTSH-së komisionet e kapter Pezës janë të 3 tipeve:
- Dëme nga humbja e personelit të kualifikuar për shumicën e të cilëve institucioni ishte investuar në 2 dekada. Shkarkimet e Alfred Pezës kanë shkaterruar pëfundimisht kohezionin e strukturave të RTSH.
- Dëme nga emërimi në mënyra klienteliste, nepotike të stafit të ri të rekrutuar jashtë cdo kriteri të miratuar nga Këshilli Drejtues. Asnjë prej tyre nuk i përmbush këto kritere dhe si rrjedhim efekti në drejtimin e strukturave apo dhe në kryerjen e detyrave, është dukshëm nën 0. Me shkarkimet dhe emërimet pa asnjë kriter Alfred Peza shkatërroi përfundimisht ndërgjegjen e administratës së RTSH.
- Dëmi i madh financiar që Alfred Peza i ka shkaktuar RTSH.
Më lart nuk janë përmendur dëmet që u ka sjellë personelit të larguar nga puna, sa i përket anës ekonomike, imazhit dhe karrierës, ku shumica e personelit të larguar ishin teknokratë që kishin ndërtuar kerierën e tyre në RTSH për mbi 2 dekada dhe vjen një drejtor pa asnjë kontribut dhe vendos Enkelejd Lamajn, Anila Agalliun dhe Erion Xhabaftin të të heqë nga puna në një institucion që financohet nga lekët e taksapaguesve Shqiptarë, eh të nderuar lexues kjo ndodh nën drejtimin e Alfred Pezës, të cilit Këshilli Drejtues ka vendosur ti thotë MJAFT.
Gjithashtu Këshilli Drejtues ka gjetur të pa mbështetur në ligj, statut dhe rregullore edhe emërimet apo komandimet në postet që mbajnë aktualisht Drejtuesja e Programeve Bora Xhanija, dhe Drejtuesja e Lajmeve Blerta Gjermeni, emërtimet e të cilëve duhet të kalojnë për miratim patjetër nga Këshilli Drejtues bazuar në statutin e RTSH.
Por ato firmosin në këtë pozitë dhe marrin edhe pagën për atë pozicion pune, duke i shkaktuar RTSH një dëm te madh ekonomik.
Dhe pikërisht për këto dëme Këshilli Drejtues me në krye Z. Leka Bungo ka marrë vendim të ngrejë komision për audit të thellë të 3 muajve shkatërrues të Alfred Pezës. Arsyet e mësipërme nxjerrin në pah nevojën emergjente që vendimi i Këshillit Drejtues të zbardhet sa më parë dhe të marrë jetë krijimi i komisionit për çmontimin e makinacioneve Peza-iste në RTSH.
Për telenovelën e verës që u luajt në RTSH këta 3 muaj, regjisorin Bungo e thërret nevoja për t’i dhënë një mbyllje sic e ka për dinjitet RTSH, dhe integriteti i tij professional dhe personal të cilin ka ditur ta tregojë në momente kyce në institucion.
