Një sherr mes tre personash ka ndodhur mëngjesin e sotëm në lagjen nr. 15 të Durrësit, afër një pike karburanti. Incidenti ka lënë dy persona të lënduar, të cilët aktualisht po marrin ndihmë mjekësore në spital dhe janë jashtë rrezikut për jetën.
Sipas informacioneve, njëri nga të përfshirët kishte në pronësi një armë zjarri dhe e ka përdorur atë për të goditur me tytën e saj. Shërbimi i policisë, që ndodhej në zonë, ka reaguar me shpejtësi, duke ndërhyrë dhe shoqëruar të përfshirët në konflikt.
Autoritetet po vazhdojnë hetimet për të sqaruar rrethanat që çuan në këtë ngjarje, ndërsa më shumë detaje pritet të konfirmohen nga policia.
