Një aksident i rëndë ka ndodhur mbrëmjen e hënës në aksin Mbreshtan-Pashalli, në Berat. Një kamionçinë ka dalë nga rruga dhe ka përfunduar në një përrua, duke shkaktuar plagosjen e shoferit dhe tre pasagjerëve.
Shoferi, Kastriot Çuka, 59 vjeç, dhe tre udhëtarët e tjerë kanë pësuar dëmtime dhe janë nxjerrë nga mjeti me ndihmën e forcave të policisë. Pas ndihmës së menjëhershme, ata janë transportuar drejt Spitalit Rajonal Berat për shërbim mjekësor.
Grupi hetimor ka nisur punën për zbardhjen e rrethanave dhe shkaqeve që çuan në këtë aksident.
