Kryeministri Edi Rama është takuar me të dërguarin special të BE-së për dialogun Kosovë-Serbi. Takimi është zhvilluar në New York në prag të Asamblesë së Përgjithshme të OKB-së.
Lajçak ka bërë me dije se gjatë takimit, ishte diskutuar për situatën në vendet e Ballkanit Perëndimor.
“Pata një takim shumë të dobishëm me Edi Ramën në prag të Asamblesë së Përgjithshme të Kombeve të Bashkuara. Ne diskutuam situatën në Ballkanin Perëndimor. Mirënjohës për njohuritë dhe mbështetjen e tij për dialogun e lehtësuar nga BE-ja”, ka shkruar Lajçak.
