Një incident tipik shqiptar ndodhi mbrëmjen e djeshme në Vlorë. Një shofere la makinën e saj tip Range Rover ndezur për t’u ndalur në një market. Në atë moment një qytetar nga Fieri i ka vjedhur makinën dhe ka ikur me shpejtësi.
Ngjarja ka ndodhur në zonën e Lungomares në Vlorë pranë një marketi.
Shoferja e makinës tip Range Rover kishte pak minuta që doli nga makina, e kur u kthye nuk e gjeti më mjetin. Policia pas marrjes së informacionit është vënë menjëherë në ndjekje, ndërsa fal kamerave të sigurisë që gjendjen në qytet është mësuar itinerari i lëvizjes.
Hajduti i makinës rezulton të jetë një i ri nga qyteti i Fierit. I moshës rreth 35 vjeç. A.Goxhaj, autori i vjedhjes rezulton me precedent të mëparshëm, teksa vetëm 3 ditë më parë ishte shoqëruar sërish në polici.
Reagimi i policisë ka qenë e menjëhershëm ndërsa autori është ndaluar dhe shoqëruar në komisariat.
