Një shqiptar i dëshpëruar është përpjekur të ndalojë një autobus që transportonte azilkërkues në Britani. Kjo pasi brenda udhëtarëve që do të dëboheshin, ndodhej edhe nipi i tij 8 vjeçar.
Arben Halili, i doli para autobusit dhe tregonte me gisht e thërriste: Ky është nipi im, mos e dëboni! Ai tha se zbuloi se familjari i tij po mbahej në kamp, pasi pa një foto të nipit 8-vjeçar në media.
Fotografia e faqes së parë kishte shfaqur imazhin e djemve të rinj të ulur pas një gardhi me tela. Nipi i Arbenit mendohet se ishte mbajtur në kampin e Manston për më shumë se 3 javë. Fëmijët kanë qenë mes mijëra njerëzve të detyruar të flenë në kamp, në kushte të vështira, pa krevatë, pa ajër të pastër apo me dyer tualeti që mbyllen.
Kampi Manston është projektuar për të mbajtur deri në 1,600 njerëz për jo më shumë se 24 orë.
Udhëheqësi laburist Sir Keir Starmer bëri thirrje kundër dërgimit të azilantëve në Ruanda, pasi së fundmi ministrat e Mbretërisë së Bashkuar, mbështetën dërgimin e azilkërkuesve në Ruandë.
