UNESCO ka përfshirë zyrtarisht kuzhinën italiane në Listën e Trashëgimisë Kulturore Jomateriale të Njerëzimit, duke njohur rëndësinë e saj në shoqëri, kulturë dhe identitet. Ky vendim u mor unanimisht gjatë takimit të Komitetit Ndërqeveritar në Nju Delhi, duke u pritur me duartrokitje. Nominimi i Italisë njoh praktikën e përsëritur të ndarjes së ushqimit, transmetimin e njohurive gastronomike dhe vlerësimin për përbërësit, që UNESCO i konsideron thelbësorë për kohezionin e komunitetit dhe trashëgiminë jomateriale.
Regjistrimi i kuzhinës italiane në Listën e UNESCO-s e ndihmon atë për t’u njohur si një sistem praktikash kulturore që tejkalon thjesht aspektet e ushqimit. Përgatitja e ushqimeve, ritualet e shtëpisë dhe kujdesi për përbërësit përfaqësojnë një strukturë shoqërore që reflekton identitetin dhe përkatësinë. Sipas UNESCO-s, gatimi në stilin italian promovon kujdesin ndaj vetes dhe të tjerëve, krijon lidhje dhe transmeton kujtesën kolektive.
Pjesëmarrja e familjeve në ruajtjen e teknikave tradicionale dhe kombinimi i recetave me njohuritë lokale kontribuojnë në krijimin e një trashëgimie dinamike, e cila vazhdon të ripërtërihet përmes angazhimit të brezave të ndryshëm.
Përveç kuzhinës italiane, një ditë më parë, UNESCO shpalli përfshirjen e artit të lahutës si një pasuri që kërkon mbrojtje të menjëhershme si pjesë e trashëgimisë së paprekshme. Këto njohje nënvizojnë rëndësinë e mbrojtjes dhe vlerësimit të trashëgimisë kulturore, duke theksuar nevojën për ruajtjen e identiteteve kulturore si pjesë të pasurisë globale dhe njerëzore.
