Këshilli për mbrojtjen e interesit jetik të Gjykatës Kushtetuese të Republikës Sërpska ka shpallur se vendimi për referendumin mbi heqjen e mandatit të Millorad Dodikut si president i entitetit nuk e cenon interesin vital të popullit boshnjak. Kjo vendim është marrë pas kërkesës së boshnjakëve në Këshillin e Popujve të entitetit serb të Bosnje e Hercegovinës.
Gjykata konstatoi se shqetësimet e shprehura nga Klubi i delegatëve të popullit boshnjak, lidhur me pasojat e mundshme të referendumit dhe diskriminimin potencial, nuk janë juridikisht të rëndësishme për çështjen e shkeljes së interesit. Referendumi përfundimisht u miratua nga Kuvendi Popullor i RS-së më 22 gusht, pas një dënimi të formës së prerë të Gjykatës së Bosnje e Hercegovinës për Dodikun, i cili përfshin një vit burg dhe një ndalim prej gjashtë vjetësh për ushtrimin e funksioneve publike.
Referendumi është planifikuar të mbahet më 25 tetor. Kushtetuta e Bosnje e Hercegovinës nuk lejon entitetet të shpallin referendume në lidhje me vendimet e institucioneve shtetërore. Nivelet më të ulta të pushtetit kanë të drejtë të shpallin referendume vetëm për çështje që bien brenda kompetencave të tyre, dhe jo për çështje shtetërore.
Pas miratimit të vendimit për referendumin, janë miratuar gjithashtu ndryshime në Ligjin për referendumin dhe procedura e përshpejtuar për nisma qytetare, që do t’i omogoçonin Kuvendit të RS-së të formonte komisione speciale për referendume. Klubi i Boshnjakëve në Këshill ka iniciuar procedurën për mbrojtjen e interesit kombëtar për shkak të këtij vendimi, duke shprehur shqetësime edhe për ndryshimet në Ligjin e referendumit, që lejojnë një komision ad-hoc të realizojë referendumin.
Megjithatë, Këshilli i Popujve të Republikës Sërpska nuk e ka miratuar veton e Klubit të Boshnjakëve, dhe vendimi për referendumin tani është proceduar në Gjykatën Kushtetuese të RS-së.
