Autoritetet detare kanë dhënë njoftim për përkeqësimin e kushteve hidrometeorologjike në det, brenda dhe jashtë Gjirit të Vlorës, për periudhën 2–7 janar 2026. Sipas parashikimeve, nga ora 06:00 e datës 2 janar, era pritet të fryjë nga drejtimi jug-jugperëndim me forcë 5–6 ballë, me shpejtësi 10–15 m/s. Dallgëzimi gjithashtu pritet të arrijë nga 1 deri në 1.5 metra.
Për shkak të këtyre kushteve, është vendosur ndalim për pajisjen me leje-nisje të mjeteve të vogla lundruese dhe anijeve të peshkimit që operojnë brenda Gjirit të Vlorës dhe në det të hapur, nga ora 06:00 e datës 2 deri në orën 06:00 të datës 7 janar 2026. Autoritetet u bëjnë thirrje drejtuesve të mjeteve lundruese dhe peshkimit që të tregojnë kujdes maksimal, të marrin parasysh kushtet e motit dhe të zbatojnë të gjitha masat për sigurimin e jetës në det.
Për më tepër, institucioneve dhe subjekteve që ushtrojnë veprimtari detare iu kërkohet të bashkëpunojnë për të marrë masa parandaluese, si siguria e mjeteve lundruese në port dhe rritja e gatishmërisë së ekuipazheve. Ndërkohë, anijet e transportit detar ndërkombëtar do të vazhdojnë operacionet sipas planifikimeve të tyre normale.
Parashikohet që përmirësimi i kushteve hidrometeorologjike për mjetet e vogla dhe anijet e peshkimit të ndodh pas orës 06:00 të datës 7 janar 2026. Ky informacion është esencial për sigurinë e lundruesve dhe peshkatarëve gjatë këtij periudhë të vështirë klimaterike.
