Avokati Kujtim Ibra dhe eksperti i kriminalistikës Artan Rexhepi, ishin të ftuar ditën e sotme në emisionin “Breaking”, në Top News.
Ata kanë folur për dosjet e bujshme që po heton Prokuroria e Posaçme kundër Korrupsionit dhe Krimit të Organizuar, ku si të pandehur janë marrë disa figura të rëndësishme të politikës. Sipas avokatit Ibra, shumë shpejt priten të tjera figura të rëndësishme në dyert e SPAK, e kjo sipas tij mund të ndodhë para hyrjes së vitit 2025.
“Nëse flasim për radhë, ajo tashmë dihet. Të gjithë ata persona që kanë ushtruar funksione publike dhe kanë vjedhur, grabitur, në kurriz të shqiptarëve, nëpërmjet ushtrimit të detyrës së tyre, qoftë ministër, qoftë deputet, apo çdo funksion, ata e kanë vendin vetëm të SPAK-u. Unë besoj që disa eksponentë si nga PS, ashtu nga opozita, shumë shpejt do i shohim në dyert e SPAK-ut, mos themi deri para vitit të ri, apo edhe më pas. Por shumë shpejt do ketë arrestime të tjera.” tha avokati.
Edhe eksperti Artan Rexhepi shtoi se do të ketë të tjera “goditje” nga SPAK ,e sipas tij, këtë herë do të jenë nga radhët e Partisë Socialiste.
“Emra të mëdhenj priten për hir të së vërtetës. Do jenë emra të njohur dhe në nuhatjen time, do jenë të krahut të majtë. Jo e SPAK-u bën goditje kolektive por një farë ekuilibri duhet ruajtur. Rasti i Çybrjas ishte shembulli konkret që dëshmon se politika është e ndotur. Organet ligj-zbatuese janë të ndotura në shumë sektorë. Në rasti ne tij kanë munguar filtrat e kontrollit para vendosjes së emrit në listën për deputet. SKY është një thes i madh dhe do nxjerrë shumë.”– tha ai.
