Kombëtarja shqiptare e futsallit arriti një fitore dominuese në miqësoren e saj të parë, duke mposhtur Turqinë me rezultatin 5-1. Ndeshja u zhvillua në stadiumin “Gazanfer Bilge Sports Hall” dhe djemtë kuqezinj, nën drejtimin e trajnerit Erind Resuli, dhanë një paraqitje të shkëlqyer.
Golat për Shqipërinë u shënua nga Arif Limani që realizoi një tripletë, si dhe nga Qendrim Bakia, i cili shënoi dy herë. Trajneri Resuli e nisi ndeshjen me një formacion të fortë, ku spikatnin emra si Fidan Misini, Arbër Shkodra, Halim Selmanaj, Ermir Kryeziu dhe Arif Limani.
Ndeshja e nisi keq për Shqipërinë, pasi Turqia kaloi e para në avantazh me golin e Adem Küçükkartal në minutat e para. Megjithatë, kuqezinjtë reaguan shpejt duke përmbysur rezultatin brenda pjesës së parë me tre gola. Limani shënoi golin e barazimit, pasuar nga dy golat e Bakias dhe Limanit që e dërguan rezultatin në 3-1 për në pushim.
Në pjesën e dytë, Kombëtarja shqiptare vazhdoi të dominosë. Arif Limani shënoi golin e katërt, duke kompletuar kështu tripletën e tij, ndërsa Qendrim Bakia realizoi golin e tij të dytë në minutat e fundit, duke vulosur rezultatin përfundimtar 5-1.
Pas kësaj fitoreje, Kombëtarja shqiptare përgatitet për ndeshjen e dytë miqësore ndaj Turqisë, e cila do të zhvillohet sërish në stadiumin “Gazanfer Bilge Sports Hall” nesër në orën 12:00. Kjo ndeshje ofron një mundësi të shkëlqyer për ekipin që të vazhdojë zhvillimin dhe të konsolidësojë rezultatet pozitive.
