Athletic Bilbao dhe Real Sociedad kanë siguruar kualifikimin në gjysmëfinalet e Kupës së Mbretit pas dy ndeshjeve emocionuese. Athletic Bilbao, e drejtuar nga Ernesto Valverde, triumfoi ndaj Valencias me rezultatin 2-1 në Mestalla. Ndeshja nisi me një gol të autogolit të Umar Sadiq në minutën e 26, duke i dhënë avantazhin Bilbaos. Megjithatë, Sadiq korigjoi gabimin e tij vetëm 9 minuta më vonë, duke realizuar një gol për Valencian dhe barazuar rezultatin në 1-1 në pushim. Pjesa e dytë ishte tensionuese, pasi Bilbao mori një 11-metërsh, por Jauregizar dështoi të shënojë. E gjitha dukej se do të shkonin në kohë shtesë, kur Inaki Williams shënoi golin e fitores në minutat e fundit, duke vulosur kualifikimin e skuadrës baske.
Në anën tjetër, Real Sociedad arriti të eliminojë Deportivo Alaves, teksa përmbysi rezultatin në 3-2. Ndeshja nisi me një gol të Rebbach që e vendosi Alaves në avantazh pas vetëm 8 minutash. Megjithatë, Sociedad reagoi shpejt, me Mikel Oyarzabal që barazoi rezultatin në minutën e 15. Skuadra e Alaves u rikthye në epërsi pas 14 minutash me një penallti nga Toni Martinez, por në minutën e 67, ai dështoi sërish në një tjetër penallti që mund ta kishte ndryshuar ndeshjen. Pas disa minutash, Sociedad barazoi me një gol të Gonçalo Guedes në minutën e 76 dhe përmbysi ndeshjen me golin e Oskarsson në të 80-tën, duke siguruar kualifikimin me përmbysje.
Pas këtyre ndeshjeve, kuadri i gjysmëfinaleve të Kupës së Mbretit do të plotësohet me sfidën mes Real Betis dhe Atletico Madrid, e cila do të luhet në mbrëmjen e së enjtes.
