Gjysmëfinalja e parë e Coppa Italia mes Como-s dhe Interit përfundoi me barazimin 0-0, në një ndeshje ku strategjia dhe kujdesi ishin elementët kryesorë, duke lënë pak hapësirë për spektaklin. Ndeshja e kthimit do të zhvillohet në “San Siro” pas tri javësh, ku do të vendosen f letë e finale.
Interi, i drejtuar nga Cristian Chivu, pati një mundësi të mirë që në fillim të pjesës së dytë, kur Darmian goditi shtyllën. Më vonë, Valle shpërdoroi një rast të shkëlqyer afër portës. Megjithatë, skuadra zikaltra u duk e përmbajtur dhe jo shumë agresive në sulm.
Nga ana tjetër, Como kishte disa mundësi në pjesën e parë. Vojvoda pati dy shanse të mira, por nuk arriti të shënonte, ndërsa Nico Paz provokoi portierin Josep Martinez me një goditje potente nga distanca. Skuadra vendase përpiqej të sulmonte veçanërisht nga krahu i djathtë, por nuk arriti të thyejë mbrojtjen e Interit.
Në pjesën e dytë, ndërrimet e bëra nga të dy trajnerët nuk sollën ndryshime të dukshme. Loja mbeti e bllokuar dhe pa shumë emocion, me të dyja skuadrat që dukeshin më të interesuara për të ruajtur rezultatin sesa për të rrezikuar. Rezultati 0-0 i lë gjithçka të hapur për ndeshjen e ardhshme, ku do të përcaktohet skuadra që do të avancojë në finale të Kupës së Italisë.
Ky barazim i ofron mundësinë këtyre dy skuadrave për t’u përgatitur më mirë për takimin e kthimit, ku çdo gabim mund të jetë vendimtar. Tensioni dhe ajo që do të ndodhë në sfidën e ardhshme mbeten temë diskutimi për ata që ndjekin Kupën e Italisë.
