Një urë e vogël, por me rëndësi kritike për qarkullimin e vizitorëve në liqenin e Bovillës, po përballet me një rrezik të madh shembjeje.
Çdo ditë, qindra turistë kalojnë mbi këtë urë, e cila shtrihet mbi një lumë 15 metra të thellë, por ajo ka arritur në një gjendje tejet të amortizuar, duke u mbajtur vetëm nga dy trarë të dëmtuar.
Më shqetësuese është fakti se nuk ka asnjë tabelë paralajmëruese apo informuese për rrezikun që mbart kjo urë, duke e lënë të paqartë për turistët rrezikun e mundshëm.
Kërcënimi për një tragjedi është real, ndërsa pritet që autoritetet të ndërhyjnë urgjentisht për të shmangur ndonjë aksident të mundshëm.
Si një pikë kyçe për qasjen në atraksionin natyror të Bovillës, zgjidhja e situatës duhet të jetë prioritet për sigurinë e vizitorëve.
