Kombëtarja e vajzave e Shqipërisë ka filluar në mënyrën më të mirë kualifikueset e Botërorit 2027, duke mundur Malin e Zi në Nikshiq me rezultatin 2-1. Skuadra e drejtuar nga Armir Grima fitoi kështu tre pikët e para në këtë edicion të kompeticionit.
Ndeshja nisi me një pjesë të parë pa gola, megjithëse vajzat shqiptare patën disa mundësi për të shënuar. Gjithçka ndryshoi në pjesën e dytë, ku fillimisht ekipi malazeze rrezikoi, por fatmirësisht Shqipëria u ruajt nga një gol i mundshëm. Pas kësaj, ishin vajzat të cilat sulmuan për të arritur në avantazh, por kapitenia malazeze, Kuc, shënoi e para në minutën e 67.
Megjithatë, shqiptarët reaguan shpejt: tre minuta më pas, kapitenja Megi Doçi barazoi rezultatin me një gol të bukur, pas një dërgimi të saktë në zonë. Në minutën e 76, Doçi shënoi përsëri, këtë herë nga një goditje dënimi, duke e përmbysur rezultatin në 2-1 dhe siguruar fitoren për ekipin kuqezi.
Me këtë fitore, Shqipëria merr moral për ndeshjen e ardhshme, ku do të presë përballë Çekisë më 7 mars në stadiumin ‘Loro Boriçi’. Ky rezultat nënvizon potencialin e skuadrës shqiptare në këtë cikël kualifikues, duke besuar në një performancë të mirë në përpjekjet për t’u kualifikuar në Botërorin e ardhshëm.
