Ish-kryeministri Sali Berisha deklaroi se nuk kishte asnjë njoftim nga gjykata në lidhje me ndërrimin e avokatëve për çështjen e tij.
Në një deklaratë për mediat para selisë së PD-së, hodhi akuza ndaj avokatit të caktuar për seancën ndaj tij, Artan Simoni. Sipas Berishës, ishte ekzemplari më i shkëlqyer për fytyrën e Edi Ramës.
“E patë ju kush ishte? Fytyra e vërtetë e tyre. Nuk kam asnjë njoftim për avokatët e rinj. Por ai që ishte, ai ishte ekzemplari më i shkëlqyer për fytyrën e Edi Ramës”, u shpreh Berisha.
Një ditë më parë, Gjykata e Posaçme vendosi largimin e avokatit Artan Simoni, si avokat mbrojtës të ish-kryeministrit Sali Berisha me qëllim zëvendësimin e tij me një tjetër avokat nga lista, pasi dy ditë më parë kishte bërë një postim me titull “ku gaboi bisha”, që iu referua dosjen së Berishës, por që avokati mbrëmë e mohoi.
