Ish-zv/ kryeministri Arben Ahmetaj u arratis në korrik të këtij viti pasi SPAK-u e shpalli në kërkim. Por prej atij momenti që doli nuk ka asnjë gjurmë prej tij.
Pak kohë më parë Dumani premtonte surpriza për këtë dosje, pra inceneratoret, por sot nuk dha detaje. Në takimin me dyer të mbyllura me gazetarët Altin Dumani tha se “po hetojmë”.
“Arben Ahmetaj për ne është një person që kërkohet ndërkombëtarisht. Nuk mund të them asgjë mbi informacionet që kërkoni për vendndodhjen, nuk e ndajmë dot këtu. Ai në raport me SPAK është në kërkim. Është një çështje që po hetohet përditë” tha ai.
