Adriatik Zotkaj është kryetari i bashkisë Poliçan nga viti 2004 e këtej. Ai ka një të shkuar kriminale si trafikant droge në Itali. Në 2015, ILDKPKI e kallëzoi penalisht Adriatik Zotkajn për fshehje të pasurive. Në 2017 Prokuroria e Përgjithshme ka kërkuar ndërprerjen e mandatit si kryetar Bashkie për Adriatik Zotkajn për mosdeklarim të një dënimi të dhënë të formës së prerë në vitin 1985, por KQZ e refuzoi. Zotkaj rezulton i dënuar nga gjykatat me vendime të formës së prerë, 2 herë për krime dhe 2 herë për kundravajtje penale.
Ariatik Zotkaj është dënuar për fyerje dhe goditje për shkak të detyrës; shkeljen e rregullave të qarkullimit rrugor dhe kundërshtimin e forcave të rendit dhe, sipas vendimit të formës së prerë të gjykatës, më 21 maj 2002, për kryerje të veprimeve arbitrare ndaj shtetasve dhe përdorim të një diplome të falsifikuar. Me këtë diplomë ai ka filluar Fakultetin në vitin 1992, ndërkohë që 3 vite më vonë, në 1995, rezulton të ketë përfunduar shkollën e mesme.
Pasi ILDKPKI evidentoi shkeljet në deklarime Zotkaj deklaron si pasuri: pronar me 35% të aksioneve në shoqërinë tregtare Albania Beverages Group shpk. Fëmijët rezultojnë pronarë në 3 shoqëri tregtare dhe më njërën prej të cilave merr kontrata publike. Konkretisht në datën më 22 Janar 2024 në buletinin e APP nr.3 është publikuar “Njoftimi i lidhjes së kontratës me objekt: Rikonstruksion i Rrugës Drenovicë, e lidhur midis AK Bashkia Dimal dhe kontraktorit bashkim i operatorëve ekonomike me nënkontraktor kompaninë në pronësi edhe të djalit të kryetarit Zotkaj G & M CONSTRUCTION 07 sh.p.k
Adriatik Zotkaj, i dënuar të paktën katër herë, drejton Bashkinë e Poliçanit prej 20 vitesh, duke u kthyer edhe në beun e saj, ku përpos ndarjes së parave publike për familjen e tij, ka dhënë me qira edhe rreth 5.5 milionë metra katrorë prona në administrim të Bashkisë Poliçan, për të ngritur biznese private në fushën e energjisë biznesmeni Ilir Trebicka.
Dy djemtë e Adriatik Zotkajt, Maliqi dhe Endi, rezultojnë përfitues të parave publike, përmes tenderave dukshëm në konflikt interesi dhe me natyrë korruptive.
Endi Zotkaj, djali i dytë i kryebashkiakut të Poliçanit, Adriatik Zotkaj, është pronar i një farmacie me nipt L79205401H, themeluar në vitin 2017, me adresë në qendër të Poliçanit. Këtë biznes, Endi Zotkaj e ka pezulluar në vitin 2024.
Nga verifikimet rezulton se Endi Zotkaj si person fizik, pronar i biznesit faramci, para se t’a pezullonte, ka përfituar para publike nga Bashkia Poliçan, me në krye babain e tij, Adriatik Zotkaj. Në disa raste, Endi Zotkaj ka furnizuar bashkinë e drejtuar nga babai i tij me ilaçe, materiale pastrimi etj., duke marrë një rast 14 mijë euro.
Edhe pse shumat e parave që ka përfituar nuk janë në vlera të larta, sërish këto përfitime janë të paligjshme dhe duhet të vënë në lëvizje SPAK-un për të proceduar Adriatik Zotkajn për shpërdorim detyre dhe korrupsion me fondet publike, pasi ka kanalizuar paratë publike në xhepin e familjes së tij.
Djali tjetër i kryebashkiakut të Poliçanit, Adriatik Zotkaj, Maliq Zotkaj, është aksioner me 50 % të aksioneve në kompaninë e ndërtimit G & M CONSTRUCTION 07, me nipt M21313027A, themeluar dy vite më parë, me kapital 8 mijë euro.
Përpos të tjerave, kompania me bashkëpronar të birin e kryebashkiakut të Poliçanit, Adriatik Zotkaj ka marrë një tender me vlerë 400 mijë euro nga Bashkia e Fushë Arrësit, me flamur të kuq, për shkak të skualifikimit të të gjithë operatorëve me oferta edhe më të ulëta, përveç fituesit me ofertë më të lartë, gati sa fondi limit.
Kompania e ndërtimit G & M CONSTRUCTION 07, me bashkëpronar Maliq Zotkaj, ka marrë tendera edhe në bashki të tjera, me në krye kryebashkiakë të cilët kanë lidhje shoqërore dhe klienteliste me Adriatik Zotkajn, babanë e përfituesit të tendera.
