Në mbledhjen e sotme të Konferencës së Kryetarëve, e drejtuar nga Kryetari i Kuvendit, Niko Peleshi, u rrëzua kërkesa e Partisë Demokratike për një mocion me debat dhe ngritjen e një komisioni të posaçëm lidhur me gjetjet e OLAF-it për fondet IPARD. Pas diskutimeve, grupet parlamentare nuk arritën dakordësi për përfshirjen e kësaj kërkese në rendin e ditës.
Gjithashtu, shqyrtimi i dy kërkesave të Partisë Socialiste për ngritjen e komisioneve të posaçme për Reformën Zgjedhore dhe Reformën Administrativo-Territoriale është shtyrë për mbledhjen e ardhshme të Konferencës së Kryetarëve.
Seanca e sotme filloi me një minutë heshtje në nderim të gjyqtarit Astrit Kalaja, i cili humbi jetën tragjikisht në sallën e gjyqit dy ditë më parë.
