Prokurori i Përgjithshëm amerikan Merrick Garland thotë se kartelet meksikane të drogës e shkaktuan krizën e fentanilit në SHBA “me qëllim”, teksa i kërkoi qeverisë meksikane “të bëjë më shumë” për të luftuar trafikun e drogës.
Garland e bëri deklaratën e fortë ndërsa dëshmonte para Komisionit Gjyqësor të Senatit këtë të mërkurë. Senatori Lindsey Graham i bëri presion Garland në lidhje me epideminë e opioideve, duke theksuar se fentanili është përgjegjës për më shumë vdekje në SHBA sesa armët dhe aksidentet me makinë.
“Është një epidemi e tmerrshme, por është një epidemi që është lëshuar me qëllim nga kartelet Sinaloa dhe gjenerata e re Jalisco”, tha Garland.
Graham kërkoi të dinte nga Garlandin për atë që Meksika po bën për të luftuar trafikun e drogës.
“Ata po na ndihmojnë, por mund të bëjnë shumë më tepër. Nuk ka dyshim për këtë”, u përgjigj prokurori Garland.
Fentanili bëhet kryesisht në Meksikë duke përdorur përbërës të dërguar nga Kina. Kryesisht kapet përmes porteve hyrëse nga Zyra e Operacioneve në terren të Doganave dhe Mbrojtjes së Kufirit (CBP) ndërsa kontrabandistët përpiqen ta sjellin drogën përmes kufirit SHBA-Meksikë, por ndonjëherë ndalohen edhe nga agjentët e Patrullës Kufitare në terren.
Droga përbën një kërcënim të madh për përdoruesit sepse është afërsisht 50 herë më e fuqishme se heroina, por përdoruesit shpesh nuk janë të vetëdijshëm se ajo është përzier me drogat e tjera që ata blejnë.
