Anëtari i Këshillit Kombëtar, Ilir Alimehmeti, protestoi para Kryeministrisë, duke kërkuar dorëheqjen e qeverisë për shkak të shpopullimit të Shqipërisë. Ai theksoi se mbi 1.6 milion shqiptarë jetojnë jashtë vendit dhe një në pesë që është ende në Shqipëri po mendon të largohet, për shkak të politikave të qeverisë Rama.
Alimehmeti renditi një sërë akuzash ndaj qeverisë, duke evidentuar dështimet në sektorë të ndryshëm si shëndetësia, arsimi, siguria publike dhe lufta ndaj korrupsionit dhe narkotrafikut. Ai theksoi se ky dështim kryesor i një qeverie është shpopullimi i popullsisë, që sipas tij, është akuza më e rëndë për një qeveri kur qytetarët e saj detyrohen të largohet.
Duke bërë një krahasim me të kaluarën, Alimehmeti kujtoi një Shqipëri ku konceptet e familjes dhe gjinisë ishin më të thjeshta, dhe ku vendi kishte arritur të anëtarësohej në NATO dhe të eliminonte vizat me vendet e Bashkimit Europian. Ai shprehu shqetësimin se aktualisht, qeveria trajton çështje sigurie kombëtare në mënyrë të papranueshme dhe shpërndan certifikata në favor të grupeve të ndryshme kriminale.
Në përfundim, Alimehmeti kërkoi rikthimin e vlerave tradicionale dhe perëndimore në Shqipëri, duke përmendur nevojën për të çliruar vendin nga politika e Rilindjes dhe Edi Ramës. Ai theksoi se përpjekja për ndryshim duhet të fillojë menjëherë, në mënyrë që të rikthehen emigrantët dhe të rinjtë që kanë braktisur vendin.
