Zbardhen detaje të reja nga tragjedia që ndodhi në orët e para të mëngjesit të sotëm në Tiranë ku vëllai vrau vëllanë dhe në fund e ktheu armën nga vetja.
Viktimat janë Lulëzim Cami 69 vjeç dhe Vehap Cami 63 vjeç. Shkak i krimit dyshohet të jetë bërë konflikti për pronat në Dibër.
Vehap Cami sapo ishte kthyer nga Londra, menjëherë sa shkoi në banesën e të vëllait, Lulëzimit, piu kafen e mëngjesit dhe nxori armën dhe duke e qëlluar për vdekje pas debatit.
Më pas qëlloi edhe veten. Në banesë kanë qenë edhe familjarët e tjerë të 68-vjeçarit, mirëpo fatmirësisht nuk janë lënduar.
Pronarja e shtëpisë që i kishte dhënë me qira banesën Lulëzim Camit ka folur për mediat. “Dëgjova teksa bërtisnin gratë kur i gjetën. Nuk i njohim. Vëllai nuk rri këtu” tha ajo për gazetarët.
Ngjarja e rëndë ka ndodhur në banesën e Lulëzim Camit në zonën e Freskut në rrugën “Xhon Belushi” rreth orës 07:40. Në vendngjarje kanë shkuar forcat e policisë dhe kanë bërë rrethimin e zonës.
