Agjencia Ndërkombëtare e Energjisë (IEA) ka bërë thirrje për masa të menjëhershme për të ulur përdorimin e karburanteve pas krizës së shkaktuar nga konflikti në Iran. Transporti kontribuon me rreth 45% në konsumimin global të naftës, çka bën të domosdoshëm fokusimin në këtë sektor për të arritur rezultate të shpejta.
Sipas IEA-s, edhe ndryshime të vogla në sjelljen e individëve mund të sjellin përfitime menjëherë. Rekomandimet përfshijnë kufizime të shpejtësisë, inkurajimin e punës nga shtëpia dhe uljen e numrit të fluturimeve. Po ashtu, rritja e përdorimit të transportit publik do të ketë ndikim pozitiv në reduktimin e konsumit të karburantit. Agjencia sugjeron gjithashtu që kufizimi i shpejtësisë në autostrada do të ndihmojë në uljen e përdorimit të karburantit, si dhe alternimi i targave çift dhe tek do të lehtësojë trafikun urban.
IEA thekson nevojën për masa të drejtpërdrejta dhe efektive, duke kritikuar subvencione të gjera shtetërore, që sipas saj nuk janë gjithmonë të suksesshme gjatë krizave. Në këtë kontekst, disa vende anëtare janë duke përdorur rezervat e tyre strategjike të naftës për të përballuar situatën e krijuar.
Një javë më parë, organizata hoqi në treg 426 milionë fuçi naftë nga rezervat e emergjencës për të ngadalësuar rritjen e çmimeve si pasojë e tensioneve në Lindjen e Mesme. Këto masa, sipas IEA-s, kanë potencialin për të sjellë stabilitet dhe për të ndihmuar në menaxhimin e kërkesës për energji në një periudhë të vështirë.
