EUROPA- Zëdhënësja e Bashkimit Evropian, Paula Pinho, deklaroi se Elon Musk është “shumë i mirëpritur në Evropë”, duke nënkuptuar hapjen dhe vlerësimin që kontinenti i jep figurave të tillë që kontribuojnë në zhvillimin teknologjik dhe ekonomik, pavarësisht kontesteve politike që mund të lindin në sfond.
Nga ana atjetër, ditën e djeshme Duma e Shtetit në Rusi ka bërë një deklaratë surprizuese duke thënë se Rusia do t’i ofronte Musk azil politik nëse ai ndonjëherë do të kërkonte strehim.
Marrëdhëniet e Musk me presidentin amerikan, Donald Trump janë bërë objekt diskutimesh dhe acarimesh të shumta. Së fundi, Musk ka deklaruar se SHBA-të do të falimentojnë me ligjin e ri që ka sjell administrata Trump, duke rritur borxhin publik të shtetit amerikan, e cila gjë ka bërë të reagojë lideri amerikan,
Trump gjithashtu e ka kritikuar publikisht Musk për disa vendime biznesi dhe pozicione që i ka konsideruar të papërshtatshme ose kundër interesave amerikane. “Martesa” politike Trump-Musk dështoi të enjten, ndërsa presidenti deklaroi se ishte “shumë i zhgënjyer” nga kritikat e ish-ndihmësit të tij dhe donatorit kryesor të fushatës.
