Një fëmijë ka vdekur nga dehidratimi në qytetin e rrethuar të Ukrainës, Mariupol, pasi kaloi disa ditë pa ujë dhe energji ngrohjeje.
Javën e kaluar forcat ruse pushtuan qytetin port me sulme të vazhdueshme ajrore, duke lënë banorët pa energji dhe ujë, pa asnjë mënyrë për të evakuuar. Presidenti ukrainas Volodymyr Zelensky njoftoi vdekjen e fëmijës mëngjesin e sotëm me anë të një videoje: “Në vitin 2022, një fëmijë vdes nga dehidratimi”.
Më tej ai e krahasoi krizën humanitare të shkaktuar nga bombardimet ruse në qytetet ukrainase me atë të krijuar nga pushtimi nazist gjatë Luftës së Dytë Botërore. Spitalet në qytet po përballen gjithashtu me mungesë të madhe të antibiotikëve dhe qetësuesve me mjekët që duhet të kryejnë disa procedura urgjente pa to.
