Qyteti i Tripolit në Greqi është tronditur nga vrasja e një gruaje 54-vjeçare, e cila u mbyt me një peshqir nga djali i saj 18-vjeçar. Ngjarja tragjike ndodhi gjatë një vizite të rinjës tek nëna e tij, pas divorcit të prindërve, ku ai jeton me të atin. Sipas raportimeve nga mediat greke, ata ishin duke parë televizor kur, papritmas, djali u ngrit, shkoi në tualet dhe përdori peshqirin për të mbytur nënën.
I riu dyshohet se ka pranuar se ka pasur mendime për ta vrarë nënën për një kohë të gjatë, duke argumentuar se ajo nuk i kishte kushtuar mjaft vëmendje dhe se kishte pasur lidhje me meshkuj që e shqetësonin. Megjithatë, burimet raportojnë se përpara ngjarjes nuk kishte shenja tensioni midis tyre. Autori i krimit përshkroi veprimin e tij si një akt spontan.
Pas ngjarjes, trupi i gruas do të transferohet në shërbimin mjeko-ligjor të Larisës për një autopsi, ndërsa hetimi i rastit vazhdon. Kjo ngjarje ka shkaktuar shqetësim dhe tronditje në komunitet, duke nxjerrë në pah probleme të thella sociale dhe marrëdhëniesh brenda familjeve.
