Kreu i Komitetit Norvegjez të Nobelit, Jorgen Watne Frydnes, ka bërë një deklaratë pas dështimit të presidentit amerikan, Donald Trump, për të fituar Çmimin Nobel për Paqe. Frydnes theksoi se komiteti merr çdo vit mijëra propozime, por vendimet përfundimtare merren me pavarësi dhe përgjegjësi.
Ai shprehu se procesi i përzgjedhjes i zhvillohet në një atmosferë besimi dhe integriteti, duke aluduar se presionet politike dhe lobimet nuk ndikojnë në vendimmarrje. Kjo deklaratë vjen në kontekstin e një fushate intensive të Trumpit për të siguruar çmimin, një fushatë që ka marrë vëmendjen e mediave, veçanërisht për shkak të përfshirjes së tij në propozime për paqe në Lindjen e Mesme.
Reagimi i Frydnes është një mesazh për ata që mendojnë se ndikimi politik mund të luajë një rol në procesin e ndarjes së këtij çmimi prestigjioz.
