Njoftimet për rishikimin e mbrojtjes nga Shtetet e Bashkuara kanë alarmuar shumë vendet europiane, të cilat po përballen me një ngarkesë të madhe financiare për riarmatimin, me ekspertët që vlerësojnë kostot prej gati një trilion dollarësh. Raporti prej 106 faqesh i Institutit Ndërkombëtar për Studime Strategjike (IISS) tregon se gjithnjë e më shumë po diskutohet mundësia e tërheqjes dramatike të forcave amerikane nga kontinenti evropian. Ky raport i thekson mangësitë në disa aspekte, përfshirë prodhimin, inteligjencën dhe pajisjet ushtarake, si raketat me rreze të gjatë veprimi dhe sistemet e mbrojtjes ajrore e raketore.
Një nga arsyet kryesore për këtë emergjencë është rritja e kërcënimit ushtarak nga Rusia dhe pasiguria mbi angazhimin amerikan për mbrojtjen e aleatëve evropianë. Vlerësimet strategjike për sa shpejtushtarakët rusë mund të kërcënojnë NATO-n në Evropë dallojnë nga vendi në vend, me afate që variojnë nga dy deri në pesë vjet. Rishikimi global i forcave të Pentagonit, i cili pritet të publikohet këtë muaj, do të sugjerojë një zhvendosje të burimeve ushtarake nga Evropa drejt Azisë dhe Paqësorit.
Raporti gjithashtu vëren se disa zyrtarë të NATO-s parashikojnë një ulje deri në 30% të trupave amerikane në Europë. Ndërkohë, udhëheqësit evropianë kanë filluar të hartojnë plane për përgjigje ndaj këtyre sfidave. Gjatë një samiti të Bashkimit Evropian në mars, liderët e vendeve anëtare shprehën angazhimin e tyre për të rritur shpenzimet në mbrojtje, me presidenten e Komisionit Europian, Ursula von der Leyen, duke e përshkruar këtë si një “moment përcaktues për Europën”.
E gjithë kjo situatë po krijon një atmosferë tensioni, duke e vënë në provë kohezionin e aleancës ndërkombëtare dhe përpjekjet kolektive për sigurinë në Evropë.
