Kreu i partisë Mundësia, Agron Shehaj, ka njoftuar mbështetje për kandidaturën e Florjan Binaj për bashkinë e Tiranës. Në një intervistë për Top Channel, ai shprehu zhgënjimin për mënyrën sesi Parti Demokratike (PD) shpalli emrin e kandidatit pa negociuar me aleatët. Megjithatë, Shehaj theksoi se mbështetja do të vazhdojë, pasi Binaj përmbush kriteret si një figurë jopolitike.
“Ne hapëm negociata me PD dhe opozitën për të siguruar një kandidat jashtë politikës. Jemi të zhgënjyer nga mënyra se si PD e shpalli kandidatin pa konsultim, por për shkak të parimeve tona, do ta mbështesim politikisht,” deklaroi Shehaj. Ai shtoi se pavarësisht sjelljes së PD-së, nuk mund të largohet nga kritereve të vendosura për mbështetje.
Florjan Binaj tani është kandidat i përbashkët i të gjithë spektrit opozitar, që përfshin jo vetëm PD-në dhe aleatët e saj, por edhe parti të tjera si Shqipëria Bëhet e Adriatik Lapajt dhe Nisma Thurje e Endri Shabanit. Së fundmi, edhe Partia Mundësia e Shehajt ka vendosur ta mbështesë atë.
Kjo situatë tregon një bashkëpunim të gjerë midis forcave opozitare, pavarësisht tensioneve të brendshme dhe mosmarrëveshjeve që kanë ndodhur gjatë negociatave.
