Suzana Gjoni, një qytetare e Durrësit, ka bërë një denoncim për një ndërtim të paligjshëm nga komshiu i saj, pasi institucionet kanë treguar neglizhencë dhe mosveprim. Ajo i është drejtuar emisionit investigativ “Fiks Fare” për të raportuar se për një vit ka kërkuar drejtësi, por është përballur vetëm me mashtrime.
Sipas Gjonit, komshiu ka marrë një leje për rikonstruksion banese, por ka ngritur një mur më të lartë dhe ka hapur një derë dilat ngjitur me dritaret e saj, duke cënuar privatësinë dhe sigurinë. Kjo ndërhyrje është e paligjshme dhe Gjoni ka vendosur të denoncojë situatën në prokurori. Fillimisht, prokuroria nuk e ka pranuar ankimin e saj, por pas një vendimi nga gjykata, janë rihapur hetimet për të verifikuar shkeljet.
Një rol të rëndësishëm në këtë çështje ka luajtur Kryeinspektori i IMT-së në Durrës, Dorian Mema, i cili në bisedat private i ka premtuar Gjonit se do të marrë masa për të prishur murin dhe mbyllur derën. Megjithatë, asnjë veprim nuk është realizuar për një periudhë të gjatë. Në shkresat zyrtare, Mema mohon ekzistencën e ndonjë ndërtimi të paligjshëm, duke krijuar një përplasje në versionet e tij.
Kur gazetarët e “Fiks Fare” takuan Memën, ai tha se kishte dhënë dorëheqjen pikërisht atë ditë, por premtimi për mbylljen e derës mbeti në fuqi. Kjo situatë tregon një diskriminim të qartë ndaj qytetarit dhe dështim në mbrojtjen e ligjit nga institucionet përkatëse. Gjoni vazhdon të kërkojë ndihmën e autoriteteve, pavarësisht se përballë sfidave dhe mashtrimeve, shpreson që drejtësia të fungcionojë.
