Kombëtarja shqiptare e futbollit ka nisur sot përgatitjet në Barcelonë për dy ndeshjet kualifikuese të Kupës së Botës 2026, ndaj Andorrës dhe Anglisë. Në seancën e parë stërvitore ishin të pranishëm shumica e lojtarëve, me përjashtim të disa që do të arrijnë më vonë, si Thomas Strakosha, Nedim Bajrami dhe Mirlind Daku.
Stërvitja e skuadrës nisi në palestër për t’u fokusuar në forcimin fizik, ndonëse disa lojtarë si Berat Gjimshiti dhe Arbër Hoxha punuan vetëm në palestër për t’u rikuperuar, pas angazhimeve me klubet e tyre një ditë më parë. Pas kësaj, ekipi zbriti në fushë për ushtrime taktike, që janë të domosdoshme për përgatitjen e ndeshjeve të ardhshme.
Kombëtarja do të vazhdojë trajnimin në Spanjë përpara se të niset drejt Andorrës për ndeshjen e planifikuar më 13 nëntor. Ky përgatitje është e rëndësishme për të siguruar një performancë të mirë në sfidat që kane përpara.
