Kombëtarja e Vajzave e Shqipërisë ka mësuar emrat e kundërshtarëve për kualifikueset e Botërorit 2027 që do të zhvillohet në Brazil. Skuadra nën drejtimin e Armir Grimës është vendosur në Grupin B1, bashkë me Uellsin, Çekinë dhe Malin e Zi. Po ashtu, është publikuar kalendari i ndeshjeve që do të luajë gjatë këtyre kualifikimeve.
Aventura e Kombëtares do të nisë më 3 mars 2026 me ndeshjen përballë Malit të Zi, që do të zhvillohet në transfertë. Tri ditë më vonë, më 7 mars, skuadra do të presë Çekinë në shtëpi. Ndeshjet e tjera janë parashikuar për muajin prill. Kështu, përballja Uells-Shqipëri do të zhvillohet më 14 prill, ndërsa sfida e kthimit ndaj Uellsit është planifikuar për 18 prill.
Kombëtarja shqiptare e vajzave do të përfundojë fushatën kualifikuese me dy ndeshje në qershor. Më 5 qershor, do të luhet Çeki-Shqipëri, ndërsa më 9 qershor është parashikuar ndeshja Shqipëri-Mali i Zi. Oraret dhe stadiumet ku do të zhvillohen këto ndeshje pritet të përcaktohen në ditët në vijim.
Këto ndeshje janë një mundësi e rëndësishme për Kombëtaren e Vajzave për të treguar potencialin e saj dhe për të synuar kualifikimin në Botërorin e ardhshëm. Interesi për këto takime është i lartë, dhe tifozët presin me padurim të ndjekin si do të paraqitet ekipi në këtë sfidë të re.
