Kombëtarja e vajzave ka përfunduar përgatitjet për ndeshjen e dytë miqësore me Turqinë, duke zhvilluar seancën e fundit stërvitore. Fillimisht, ato kanë punuar në palestër, ndjekur nga një stërvitje në fushë, ku kanë realizuar një ndeshje taktike me ndarje në dy skuadra.
Në miqësoren e parë, kombëtarja arriti të barazojë me Turqinë, një rezultat që trajneri Grima e cilësoi si pozitiv. Ai shprehu kënaqësinë për motivimin dhe dëshirën e vajzave në fushë, përkundër disa luhatjeve. Sipas tij, skuadra ka treguar vazhdimësi në performancën e mirë që ka pasur në ndeshjet e fundit të eliminatoreve. Trajneri theksoi nevojn për të mbajtur këtë ritëm dhe për të siguruar rezultate, duke e parë si të rëndësishme për ecurinë e skuadrës.
Grima paralajmëroi se në ndeshjen e ardhshme do të jepet mundësia për të gjitha vajzat pjesë e grupit, duke përfshirë ato më të reja dhe ato që kanë luajtur më pak. Ai theksoi se qëllimi është forcimi dhe kompliksimi i grupit për të ardhmen.
Ndeshja e dytë miqësore mes kombëtares së vajzave dhe Turqisë do të zhvillohet këtë të hënë në orën 14:00.
