KOLUMBI- Janë publikuar pamjet nga arretimi i Samir Rosales Rodriguez, i cili ishte pjesë e grupit që transportonte dhe përpunonte kokainë në banesën e ish-kreut të Komunës në Frakull të Fierit, Viktor Çervanakut. Lajmin për arrestimin e Samir Rosales Rodríguez, i njohur si “Kimisti”, u bë nga Policia e Kolumbisë, e cila koordinoi veprimet së bashku me zyrat kombëtare të Interpolit në Kolumbi, Ekuador dhe Shqipëri.
Samir Rosales Rodriguez njhet si një nga ndërlidhësit kryesorë të kartelit ballkanik në rajon dhe kërkohej edhe nga autoritetet shqiptare për trafik droge dhe organizimin e një organizatë kriminale. Sipas hetimit, i njohur ndryshe si “El Químico” koordinonte dërgesat e kokainës nga Oqeani Paqësor Kolumbian në Evropë. Drogat ishin të kamufluara në plehra organikë dhe të dërguara në Shqipëri, Greqi dhe Mal të Zi. I dyshuari gjithashtu udhëtoi personalisht në Evropë për të nxjerrë kokainë të fshehur midis substancave të ndryshme dhe për të siguruar dërgimin e saj te mafia shqiptare.
Si u zbulua laboratori?
Lajmi u publikua fillimisht nga mediat malazeze, pasi në portin e Tivarit prej muajsh 24 ton pleh kimik i përzierë me 430 kilogramë kokainë priste për marrësin. Kur ky i fundit shkoi në port, ndërhyri DEA dhe u bë arrestimi i tij. Më pas u organizua operacioni për prangosjen e personave të tjerë në Shqipëri.
Të arrestuarit janë: Zenel Cervanaku, i cili akuzohet se është edhe porositësi i kësaj sasie kokaine; Viktor Çervanaku, ish-kryetari i komunës së Frakullit, djali i tij së bashku me të fejuarën, Denilson Çervenaku dhe Enxhi Ferhati; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë; Redion Meshi, 22 vjeç; Marildo Rona, Nikolin Gjolena, Julian Malaj dhe Bledar Matoshi. Në kuadër të këtij operacioni u sekuestruan 15,910 Euro; 3 armë zjarri automatik kallashnikov; 3 armë zjarri të llojit pistoletë; 108 copë fishekë luftarake të kalibrave të ndryshëm; 18 aparate telefonash celulare; 5 automjete; 2 laptop dhe 2 armë gjahu.
