Fokusi kryesor në mbledhjen e djeshme të asamblesë socialiste ishte qeveria. Ndryshimet në kabinet. Kush ikte dhe kush po vinte.
Por përpos ministrave, kryeministri caktoi edhe sekretariatin, njerëzit që po përgatisin zgjedhjet e reja.
Emri kryesor ishte në krye të listës, Ardian Çela. Krahu i djathtë i Vangjush Dakos që ndodhet pas hekurave është sekretari i ri organizativ i Partisë Socialiste.
Me ndryshimet që vijnë dy vite përpara zgjedhjeve parlamentare të vitit 2025, objektivi është i qartë.
Një nga drejtorët më të jetëgjatë në administratë, tek OSHEE tani do të jetë në krye të kupolës organizative. Ai ka qenë drejtues qarku në Durrës në zgjedhjet e fundit.
Kjo do të thotë se modeli i Durrësit për voton duhet të shtrihet në të gjithë Shqipërinë.
