Pas tensioneve, shtyhet mbledhja e këshillit bashkiak të Himarës. Në orën 10:00 të ditës së sotme nisi mbledhja ku do të zgjidhej kryetari i ri i komanduar që do të jetë njëri mes dy n/kryetarëve Pervin Gjikuria ose Blerina Bala.
Një pjesë e banorëve të Himarës nga krahu i Fredi Belerit janë futur brenda sallës dhe kanë kërkuar largimin e sekretarit të përgjithshëm të PS-së, Blendi Klosi dhe të prefektit të ri, Vangjel Tavo. “Tavo jashtë, Beleri kryetar” ishin thirrjet e tyre.
Pas kësaj situate të tensionuar, Tavo u largua. Brenda sallës ka pranie policie. Mbledhja u shty për në 12:00 në një tjetër ambient. Socialistët kanë shumicën në këshill me 13 anëtarë, kundrejt 8 anëtarëve të koalicionit opozitar.
