Banorët e fshatit Guri i Bardhë në njësinë administrative Xibër të bashkisë Klos kundërshtojnë ndërtimin e dy hidrocentraleve “Guri i Bardhë 1” dhe “Guri i Bardhë 2” nga kompania “Gealb Energy” në pronësi të Genc Mërkurit.
Banorët dolën sërish në protestë këtë të enjte, duke kërkuar anulimin e lejeve. Sipas tyre HEC-et dëmtojnë burimet ujore të zonës dhe ekosistemin.
Banorët janë të vendosur që nuk do lejojnë ndërtimin e ktyre HEC-eve fshati i tyre është përzgjedhur nga qeveria në listën e 100 fshatrave turistikë dhe ata synojnë të investojnë në agro-turizëm.
Shtatë vite më parë është miratuar leja për ndërtimin e 2 HEC-eve në pellgun ujëmbledhës të përrenjve të Zallit të Dishit dhe të Shehut, ndërkohë që banorët e kundërshtojnë këtë projekt. Ndonëse kompania që ka marrë me koncesion ndërtimin e këtyre HEC-eve nuk ka nisur ende punën, banorët kërkojnë anulimin e lejes së dhënë.
