TIRANË– Presidenti i Partisë së Lirisë, Ilir Meta ka zhvilluar ditën e sotme një konferencë me gazetarët. Meta gjatë fjalës së tij u shpreh se qeveria e drejtuar nga Edi Rama i ka rrënjët në krim.
Më tej, i pyetur pse aksioni opozitar nuk po jep rezultat, Meta tha se përshkallëzimi i protestave do të japë rezultatet e duhura.
“Kjo është një qeveri që rrënjët i ka vetëm në krim dhe korruptim. Ne do të vazhdojmë të përballemi me qeverinë, me prindin 2, me Bashkinë e Tiranës, përballjen me të keqen, kudo ajo është, sepse çdo qelizë e administratës është infektuar rëndë. Përshkallëzimi i protestave do të japë rezultatet e duhura. Të gjitha këto protesta kanë bërë që të kemi rezultate. Partia e Lirisë po përmirëson edhe organizimin e saj përditë.”, u shpreh Meta.
