Një bizmesmene e njohur greke Dimitra Katsafadou ka rënë pre e një grabitjeje. Asaj i është marrë një shumë e madhe parash prej 290 mijë eurosh. Sipas asaj që u zbulua në Live News dhe raporton TeNea, vjedhja ka ndodhur më 17 shkurt 2023 nga asistentja e Dimitra Katsafados, një 32-vjeçare me origjinë nga Shqipëria. Sipas asaj që raportohet, 32-vjeçarja i ka rrëmbyer biznesmenes së njohur shumën prej 290 mijë eurosh nga rezidenca e saj në Atikën Verilindore.
Më pas rezulton se autorja, pasi ka rrëmbyer shumën e parave, është larguar jashtë vendit, ku është lokalizuar dhe arrestuar në Britaninë e Madhe. Ndaj shqiptares u lëshua urdhër-ndërkombëtar ndalimi. Pasi u kap, 32-vjeçarja ka kërkuar falje dhe është liruar me kusht.
Dëshmia që zbuloi vjedhjen e madhe
Ndihmë e madhe për të zbuluar këtë rast ishte dëshmia e një punonjëse tjetër të Dimitra Katsafados, e cila tha se pa të pandehurën duke mbajtur në duar dy thasë të gjelbër plehrash, në të cilat kishte vendosur 290 mijë eurot. “Kur mbërrita në shtëpi, jashtë saj ishte parkuar një makinë në ngjyrë të kuqe argjendi dhe një burrë i panjohur po fliste me celular jashtë mjetit. E pyeta pse ishte këtu dhe ai m’u përgjigj se po e priste të akuzuarën”, është shprehur sanitarja.
Ajo vazhdoi me dëshminë. “Më pas hyra në shtëpi me çelësat e mi, por te dera takova të akuzuarën, e cila mbante në duar thasë të gjelbra, të ngjashme me ato që përdoreshin për të mbajtur shumën e parave të kompanisë. Këto çanta ia dha burrit të panjohur, që po priste në makinë”, deklaroi ajo.
Një person nga mjedisi familjar i Dimitra Katsafadou ka deklaruar në Polici se e pandehura ka qenë e besuar e biznesmenes. “E pandehura prej rreth dy vitesh ka qenë punonjëse e firmës dhe ka qenë person i besuar për Katsafadou. Edhe pse kujdesej për shtëpinë dhe jetonte ndonjëherë aty, ajo nuk kishte çelësat dhe nuk ishte në detyrën e saj të bënte punë për menaxhimin e parave të kompanisë. Por ajo e dinte dollapin ku mbaheshin paratë brenda shtëpisë dhe kishte informacione për vendndodhjen e çelësit që e hap atë dollap”, kanë thënë familjarët e biznesmenes së vjedhur.
BIZNESMENIA GREKE DIMITRA KATSAFADOU DHE VELLAI I SAJ
Çfarë thotë vëllai i saj?
Duke folur për MEGA-n, vëllai i Dimitra Katsafados, Nikos Malakodimos, theksoi se ka bërë padi pikërisht në të njëjtën ditë kur u zbulua vjedhja. “Etiketa ka ardhur për të marrë shenjat e gishtave, kanë parë që mungon shuma e parave. Vajza e akuzuar u gjet duke kaluar kufirin në të njëjtën ditë në Shqipëri”, tha Malakodimos. Vëllai i biznesmenes tregoi dhe se nga vijnë paratë. “Janë para që ekzistojnë në një kompani dhe depozitohen në banka, sepse janë nga shitja me pakicë e kompanisë”, shtoi ai./TeNEA
